لو أرادوا رمضان لأعدوا له عدة .. معسكرات قبل رمضان

رمضان هو نقلة كبيرة بحياتك ، بعد رمضان تكرم الأمة أو تهان
اهل الباطل و الضلال بيستعدوا لللمسلسلات و الأغاني و الضلالات قبل رمضان ... فعار علينا إحنا أمة محمد صلى الله عليه و سلم أن لا نعد انفسنا للشهر اللي انزل فيه القرآن الكريم

...إنتبــــــه رمضان مش عصا سحرية - يعني ان لم تبكي الآن بين يدي الله من الصعب إنك تبكي في رمضان لو لم تخشع الآن من الصعب تخشع برمضان

خد قرارك من الآن .... رمضان فرصة لو ضاعت منك حتندم وتكون من الخاسرين و لو فزت به هتبقى من المكرمين الفائزين
.
.
.
لاعب ميقدرش يقعد ربع ساعه في الملعب يقولك أول ما الماتش يجي هقدر العب الساعه ونص
إزااااي؟؟
أول ما اشوف الناس هسخن و اقدر العب

!!!

طب لو انت فـ رجب و شعبـان مش قادر تمسـك مصحفك و تقرأ نص ساعه .. هتقدر تختم القرآن ازااااي؟
هتقـدر تختمـه إزاي مرة و إتنين و تلاته؟
رجب شهر البذر .. شعبـان شهر السقيــا --> رمضـان شهر الحصــاد

اللي عايز يحصد و يجنّـي الثمـار ،، يزرع و يسقي فـ رجب و شعبـان
أكبر سبب لضيــاع رمضان .. إنك مركزتش بـ رجب وشعبان !!

رمضـان أيام معدودات ... زي ما الماتش دقايق معدودات ... بربع دقيقه تلاقي اللاعب جاب جون !
خلينا لـ مرررره واحده نستعد لإبليس قبل ما يستعــدلنا

رمضـان ده عامل زي القطـر
اللي واقف و مستعد يركب هياخده معاه
و اللي لسه مش مستعد هيمشي و يسيبه
!!

رمضـان هو طوق النجـــاة

.
.
.

خطـة عمـليه لرمضان

معسكر الصيـام .. كل سنة يضيع من ناس كتيره نص رمضان عشان لسه متعودوش على مشقة الصيام .. عّود جسدك على الصيام .. صوم يوم في الإسبوع .. أو صيام الاتنين و الخميس
معسكر القيـام .. أسـاسي نقيم الليل ولو نص ساعه في الليله .. كفايه نوم بأه رمضان قرب ! (ومن الليل فتهجد به)ـ

معسكر التوبة و الإستغفار .. هتدخل رمضان إزاي بصحيفتك اللي المليانه ذنوب؟ لازم قبل رمضان تبدأ تستأصــل ذنوبك ... لازم يبقى في ورد يومي و الذكر يبقى شغال على لسانا

معسكر الدعاء .. نغتم اوقات اجابه الدعاء زي ما بين الادان و الاقامه .. إلزم دعاء معين تدعيه فكل وقت زي " اللهم بلغنا رمضان واجعلنا فيه من الفائزين" وادعي بيه فكل وقت

معسكر الصـلاة .. نركز بالصلاة و جاهد نفسك من دلوقتي انك تصلح صـلاتك .. فلو صلحت الصلاو صلح عملك كله فيصلح رمضـان كله

معسكـر التفسيــر .. إقرأ بعض تفاسير السور زي قصار السور مثلا .. و تفسير بسيط زي تفسير السعدي عشان تفهم الايات وانت بتصلي بيها و تقرأها فـ ختمة رمضـان

معسكـر التشـــويق لرمضـان .. شوق نفسك لرممضان .. هيّج نفسك لرمضان .. هيّج قلبك لرمضان .. إقرأ كتب و اسمع دروس هيزيد حماسك لرمضان

أعبد الله على بصيـره .. اسمع شريط او اقرا كتيبات في أحكـام صيام رمضـان الفقيــه لتعبد الله على بصيـره

لو حاسس الأعمال كتيره؟ طبق حاجه واحده منهم و إن شاء الله ربنا هيعينك تطبقهم كلهم بعد كده

.
.
.

اللهمـ بــلغنـا رمضـــان و أنت راضٍ عنـا